ಜೇನುತುಪ್ಪ ಸಾವಿರಾರು ವರ್ಷಗಳಿಂದ ಭಾರತೀಯ ಆಹಾರ ಪದ್ದತಿಯ ಒಂದು ಭಾಗವಾಗಿದೆ. ಜೇನುತುಪ್ಪದ ರುಚಿ ಎಂದರೆ ಎಲ್ಲಾ ವಯಸ್ಸಿನವರಿಗೂ ಇಷ್ಟವಾಗುತ್ತದೆ. ಜೇನುತುಪ್ಪ ಸೇವನೆಯಿಂದ ಆರೋಗ್ಯಕ್ಕೆ ಬಹಳಷ್ಟು ಪ್ರಯೋಜನವಿದೆ. ಹಾಗಂತ ಕಲಬೆರಕೆ ಜೇನು ಸೇವಿಸಿದರೆ ಪ್ರಯೋಜನವಿಲ್ಲ. ಹಾಗಿದ್ದರೆ ಅಸಲಿ ಜೇನು ತುಪ್ಪವನ್ನು ಗುರುತಿಸುವುದು ಹೇಗೆಂದರೆ, ಮೊದಲನೆಯದು ಈ ವಿಧಾನವನ್ನು ಬಹಳ ಹಿಂದಿನಿಂದಲೂ ಜನರು ಶುದ್ಧ ಜೇನುತುಪ್ಪವನ್ನು ಕಂಡು ಹಿಡಿಯಲು ಬಳಸುತ್ತಿದ್ದಾರೆ. ಒಂದು ಗಾಜಿನ ಲೋಟದಲ್ಲಿ ಬಿಸಿನೀರನ್ನುತೆಗೆದುಕೊಳ್ಳಿ. ಇದಕ್ಕೆ ಒಂದು ಚಮಚ ಜೇನುತುಪ್ಪ ಸೇರಿಸಿ. ಜೇನುತುಪ್ಪವು ನೀರಿನಲ್ಲಿ ತಕ್ಷಣ ಕರಗಿದರೆ, ಅದು ಕಲಬೆರಕೆ ಎಂದರ್ಥ. ಜೇನು ದಪ್ಪವಾದ ಎಳೆ ಎಳೆಯಾ್ಗಿ ಕೆಳಭಾಗದಲ್ಲಿ ಸೇರಿಕೊಂಡರೆ ಅದು ಶುದ್ಧ ಜೇನುತುಪ್ಪ. ಎರಡನೆಯದು ಮೇಣದಬತ್ತಿಯನ್ನು ಹಚ್ಚಿ ಒಂದು ಮರದ ಕಡ್ಡಿಗೆ ಹತ್ತಿಯನ್ನು ಸುತ್ತಿ ಅದರ ಮೇಲೆ ಜೇನುತುಪ್ಪವನ್ನು ಸುರಿಯಿರಿ. ಈಗ ಜೇನು ತುಪ್ಪ ಹಚ್ಚಿದ ಕಡ್ಡಿಯನ್ನು ಬೆಂಕಿಯ ಸಮೀಪ ತನ್ನಿ. ಜೇನುತುಪ್ಪವನ್ನು ಹಚ್ಚಿದ ಕಡ್ಡಿಗೆ ತಕ್ಷಣ ಬೆಂಕಿ ಹೊತ್ತಿಕೊಂಡರೆ ಅದು ಶುದ್ದ ಜೇನು. ಬೆಂಕಿಹೊತ್ತಿಕೊಳ್ಳ ಲು ಸಮಯ ತೆಗೆದುಕೊಂಡರೆ ಅರ್ಥ ಮಾಡಿ ಕೊಳ್ಳಿ ಅದು ಕಲಬೆರಕೆ ಎಂದು.
